TN Administration Part 2 Revision Test in Tamil

சமூக நலம் மற்றும் சத்துணவுத் திட்டத் துறையானது பெண்கள், குழந்தைகள், முதியோர்கள் மற்றும் மூன்றாம் பாலினர் நலன்களுக்கான திட்டங்களை சமூக நல ஆணையரகம், சமூக பாதுகாப்பு ஆணையரகம் மற்றும் ஒருங்கிணைந்த குழந்தை வளர்ச்சிப் பணிகள் இயக்குநரகம் மூலமாக செயல்படுத்தி வருகின்றது. மேலும், வருவாய் நிருவாக ஆணையரால் செயல்படுத்தப்பட்டு வரும் பல்வேறு சமூக பாதுகாப்பு ஓய்ðதியத் திட்டங்களுக்கு இத்துறை ஒருங்கிணைப்பு முகமையாக செயல்படுகிறது.

குழந்தைகளின் ஊட்டச்சத்து பாதுகாப்பினை உறுதிப்படுத்தும் திட்டங்களை சமூக நலம் மற்றும் சத்துணவு திட்டத் துறை செயல்படுத்துகின்றது. புரட்சித்தலைவர் எம்.ஜி.ஆர். சத்துணவுத் திட்டத்தின் கீழ் ஒன்றாம் வகுப்பு முதல் பத்தாம் வகுப்பு வரை பயிலும் 51.96 இலட்சம் மாணவ, மாணவியருக்கு அனுதினமும் சூடான, சுவையான கலவை சாத உணவு வகைகள் வழங்கப்படுகின்றன.

ஒழுக்கநெறி பிறழ்தல் (தடுப்பு) சட்டம்,1956. வரதட்சணை தடுப்புச் சட்டம்,1961 குடும்ப வன்முறையிலிருந்து பெண்களைப் பாதுகாக்கும் சட்டம்,2005. குழந்தைத் திருமண தடுப்புச் சட்டம்,2006. பெற்றோர் மற்றும் மூத்த குடிமக்கள் பராமரிப்பு மற்றும் நலச் சட்டம்,2007. பாலியல் குற்றங்களிலிருந்து குழந்தைகளைப் பாதுகாக்கும் சட்டம்,2012. பணிபுரியும் இடங்களில் பெண்களுக்கெதிரான பாலியல் வன்முறை தடுப்புச் சட்டம்,2013. தமிழ்நாடு மகளிர் மற்றும் குழந்தைகளுக்கான விடுதிகள் மற்றும் காப்பகங்கள் (ஒழுங்கு முறைப்படுத்தும்) சட்டம்,2014. இளைஞர் நீதிச் (குழந்தைகள் பராமரிப்பு மற்றும் பாதுகாப்பு) சட்டம்,2015.

முதலமைச்சரின் பெண் குழந்தை பாதுகாப்புத் திட்டம் திட்டம் -1: ஒரு பெண் குழந்தை மட்டும் திட்டம்-2: இரண்டு பெண் குழந்தைகள் மட்டும்.

பெண் கல்வியை மேம்படுத்துதல் பெண் சிசுக் கொலையை ஒழித்தல் ஆண் குழந்தைகளை மட்டுமே விரும்பும் மனப்போக்கை மட்டுப்படுத்துதல் சிறு குடும்ப முறையை ஊக்குவித்தல் குழந்தை பாலின விகிதத்தை உயர்த்துதல்.

குழந்தையின் பெயரில் வைப்பீடாக தமிழ்நாடு மின்விசை நிதி மற்றும் அடிப்படை வசதி மேம்பாட்டு நிறுவனத்தில் பதினெட்டு ஆண்டுகளுக்கு முதலீடு செய்யப்படுகிறது. 18 வயது நிறைவடையும் போது வட்டியுடன் சேர்த்து முதிர்வுத் தொகை அப்பெண்குழந்தைக்கு வழங்கப்படும்.

திட்டம்-1 - இத்திட்டத்தின் கீழ் குடும்பத்தில் ஒரே பெண் குழந்தை மட்டும் இருப்பின், அப்பெண் குழந்தையின் பெயரில் ஆரம்ப வைப்பீடாக ‘50,000 தமிழ்நாடு மின்விசை நிதி மற்றும் அடிப்படை வசதி மேம்பாட்டு நிறுவனத்தில் பதினெட்டு ஆண்டுகளுக்கு முதலீடு செய்யப்படுகிறது. இத்தொகையானது, 01.08.2011 அன்றோ அதற்கு பிறகோ பிறக்கும் குழந்தைகளுக்கு மட்டுமே பொருந்தக்கூடியது. இந்த வைப்பீட்டுத் தொகையின் இரசீது நகல் பெண் குழந்தையின் குடும்பத்திற்கு வழங்கப்படுகிறது.

திட்டம்-2 - குடும்பத்தில் இரண்டு பெண் குழந்தைகள் மட்டுமே இருப்பின், ஒவ்வொரு பெண் குழந்தையின் பெயரிலும் ஆரம்ப வைப்பீடாக தலா ‘25,000 தமிழ்நாடு மின்விசை நிதி மற்றும் அடிப்படை வசதி மேம்பாட்டு நிறுவனத்தில் பதினெட்டு ஆண்டுகளுக்கு முதலீடு செய்யப்படுகிறது. இத்தொகையானது 01.08.2011 அன்றோ அதற்கு பிறகோ பிறக்கும் இரண்டாவது பெண் குழந்தைகளுக்கு மட்டுமே பொருந்தக்கூடியது. இந்த வைப்பீட்டுத் தொகையின் இரசீது நகல் பெண் குழந்தையின் குடும்பத்திற்கு வழங்கப்படுகிறது.

ஆண்டு வருமானம் ‘72,000க்கு மிகாமல் இருத்தல் வேண்டும். 35 வயதுக்குள் பெற்றோரில் ஒருவர் கருத்தடை அறுவை சிகிச்சை செய்திருக்க வேண்டும். குடும்பத்தில் ஒன்று அல்லது இரண்டு பெண் குழந்தைகள் மட்டுமே இருக்கவேண்டும். ஆண் குழந்தை இருக்கக் கூடாது. பின்னாளில் ஆண் குழந்தையை தத்து எடுத்துக் கொள்ளவும் கூடாது. விண்ணப்பிக்கும் போது பெற்றோர்/ அவர்களின் பெற்றோர்கள் தமிழகத்தில் பத்தாண்டுகள் வசித்தவராக இருத்தல் வேண்டும். இத்திட்டம் முகாம்களில் வசிக்கும் இலங்கை தமிழ் அகதிகளின் பெண் குழந்தைகளுக்கும் விரிவுபடுத்தப்பட்டுள்ளது.

திட்டம் 1 : (ஒரு பெண் குழந்தை மட்டும்) ஒரு பெண் குழந்தையாக இருப்பின் அக்குழந்தை பிறந்த 3 ஆண்டிற்குள் விண்ணப்பிக்க வேண்டும். திட்டம் 2 : (இரண்டு பெண்குழந்தைகள் மட்டும்) இரண்டு பெண் குழந்தைகள் எனில், இரண்டாவது குழந்தை பிறந்த 3 ஆண்டிற்குள் விண்ணப்பிக்க வேண்டும்.

பத்தாம் வகுப்புத் பொதுத் தேர்வு எழுதியிருந்தால் மட்டுமே இறுதி முதிர்வுத் தொகை அப்பெண் குழந்தைக்கு வழங்கப்படும். அவ்வாறு இல்லை எனில், வட்டியுடன் சேர்ந்த வைப்புத் தொகை அரசுக் கணக்கில் செலுத்தப்படும்.

இச்சட்டம் 18 வயது நிறைவடையாத பெண்ணுக்கும், 21 வயது நிறைவடையாத ஆணுக்கும் திருமணம் செய்வதை தடை செய்வதாகும். குழந்தைத் திருமணத்தால் பாதிக்கப்பட்ட குழந்தைகளுக்கு பாதுகாப்பும், குழந்தைத் திருமணத்தை நடத்துவோருக்கு சட்ட ரீதியான தண்டனையும் வழங்குதல்.

ஏற்கெனவே நடைபெற்ற குழந்தைத் திருமணத்தை செல்லாததாக்கலாம். குழந்தை திருமணத்தால் பாதிக்கப்பட்ட குழந்தையின் நிறை வயது எய்திய இரண்டாண்டிற்குள் நடைபெற்ற திருமணத்தினை செல்லாததாக்கும் தீர்வைக் காணவேண்டும். பாதிக்கப்பட்ட பெண் குழந்தையின் பராமரிப்பு மற்றும் வாழ்வாதாரத்திற்கு வழிவகை செய்கிறது. குழந்தைத் திருமணத்தின் மூலம் பிறந்த குழந்தைகளுக்கு சட்டப்பூர்வமான அந்தஸ்து வழங்குதல். மேலும் அவர்களுக்கு பாதுகாப்பு மற்றும் பராமரிப்பு வழங்க இச்சட்டம் வழிவகுத்துள்ளது. குழந்தைத் திருமணத்திலிருந்து மீட்கப்பட்ட குழந்தைகளுக்கு மருத்துவ வசதி, சட்ட உதவி, ஆலோசனை வழங்குதல் மற்றும் மறுவாழ்விற்கு உறுதுணை செய்கிறது.

குழந்தைத் திருமணத்தை ஏற்பாடு செய்வோருக்கும், நடத்தி வைப்போருக்கும், ஆதரிப்போருக்கும் மற்றும் மறைப்பவருக்கும், நடைபெற்ற திருமணம் குழந்தைத் திருமணம் இல்லை என ஆதாரபூர்வமாக நிரூபிக்கப்படாத பட்சத்தில் 2 ஆண்டுகள் வரை கடுங்காவல் தண்டனையும் மற்றும் ஒரு இலட்சம் ரூபாய் வரையிலான அபராதமும் விதிக்கப்படும்.

குழந்தைத் திருமணத்தில் ஈடுபடும் செயலானது பிடியாணையின்றி கைது செய்வதற்குரிய (ஊடிபnணையடெந) மற்றும் பிணையில் விடுவிக்க இயலாத (சூடிn-யெடையடெந) குற்றமாகும். குழந்தைத் திருமணத்தை நடத்தும், ஊக்குவிக்கும் அல்லது அனுமதிக்கும் அல்லது தடுக்கத் தவறும் பெற்றோர் / பாதுகாவலர் மற்றும் அத்திருமணத்தில் கலந்து கொள்பவர்களுக்கும் 2 ஆண்டுகள் வரை கடுங்காவல் தண்டனையும் மற்றும் ஒரு இலட்சம் ரூபாய் வரை அபராதமும் நீட்டித்து வழங்கப்படும்.

இச்சட்டத்தின் கீழ் பெண்களுக்கு அபராதம் மட்டும் விதிக்கலாம். சிறைவாசம் விதிக்க இயலாது. ஒரு இலட்சம் ரூபாய் வரையிலான அபராதமும் விதிக்கப்படும்

குழந்தைத் திருமண தடைச் சட்டத்தின் கீழ் மாநில விதிகளில், மாவட்ட சமூக நல அலுவலரே அந்தந்த மாவட்டத்தின் குழந்தைத் திருமண தடுப்பு அலுவலராக நியமிக்கப்பட்டுள்ளார். இது கூடுதல் பொறுப்பாகும்.

குழந்தை திருமண தடுப்பு அலுவலர்களுக்கு உதவ ஊராட்சி தலைவரின் கீழ் 6 நபர்கள் கொண்ட கண்காணிப்பு குழு ஒன்று ஏற்படுத்தப்பட்டுள்ளது. இவர்கள் சமூக நல அலுவலருக்கு தகவல் கொடுப்பார்கள்.

குழந்தைகள் வழிமம், இலவச தொலைபேசி எண். 1098. ஆபத்தில் இருக்கும் பெண்கள், குழந்தைகள் பற்றி தகவல் கொடுக்க முடியும். குழந்தைத் திருமணம் நடைபெறுவதை தெரிவிக்க முடியும்.

மூவலூர் இராமாமிர்தம் அம்மையார் நினைவு திருமண நிதி உதவித் திட்டம். இது ஓரு பொதுவான திட்டம் ஆகும் மற்ற திட்டங்கள் சிறப்பு திட்டங்கள் ஆகும்.

ஏழைப் பெண்களின் திருமணத்திற்கு அவர்களின் பெற்றோர்களுக்கு நிதியுதவி வழங்குதல். பெண்களின் கல்வி நிலையை உயர்த்துதல். கலப்புத் திருமணங்களை ஊக்கப்படுத்ததுவது நோக்கம் அல்ல. அனைத்து திருமணத்திற்கும் பொருந்தும்.

திட்டம் 1 - ‘25,000 மின்னணு பரிமாற்ற சேவை மூலம் மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயம். திட்டம் 2 - ‘50,000 மின்னணு பரிமாற்ற சேவை மூலம் மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயம்.

ஏழைப் பெண்களின் தாய் அல்லது தந்தை பெயரில் வழங்கலாம். பெற்றோர் இல்லையெனில் மணமகளுக்கு வழங்கலாம். மணமகன் தாய் அல்லது தந்தைக்கு வழங்கப்படாது.

மணப் பெண் 10-ஆம் வகுப்பு பள்ளியில் படித்து தேர்ச்சி அல்லது தோல்வி பெற்றிருக்க வேண்டும். தனியார் தொலைதூரக் கல்வி மூலம் படித்து இருந்தால் 10-ஆம் வகுப்பு தேர்ச்சி அடைந்திருத்தல் வேண்டும். பழங்குடியினராக இருந்தால் 5-வது படித்திருத்தல் வேண்டும். குடும்ப ஆண்டு வருமானம் ‘72,000க்கு மிகாமல் இருத்தல் வேண்டும்.

பட்டதாரிகள் கல்லூரியிலோ அல்லது தொலை தூரக்கல்வி மூலமோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்று இருத்தல் வேண்டும். பட்டயப் படிப்பு தேர்ச்சி பெற்றவராக இருத்தல் வேண்டும். பட்டயப் படிப்பு எனில், தமிழக அரசின் தொழில்நுட்ப கல்வி இயக்குநரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும். குடும்ப ஆண்டு வருமானம் ‘72,000க்கு மிகாமல் இருத்தல் வேண்டும்.

திருமணத் தேதியன்று மணமகளுக்கு 18 வயது நிரம்பியிருக்க வேண்டும். உச்ச வயது வரம்பு இல்லை. ஒரு குடும்பத்தில் ஒரு பெண்ணுக்கு மட்டும் உதவித் தொகை வழங்கப்படும். திருமணத் தேதியன்றோ அல்லது திருமணத்திற்குப் பிறகோ அளிக்கப்படும் விண்ணப்பங்கள் பெற்றுக் கொள்ளப்பட மாட்டாது.

டாக்டர் தர்மாம்பாள் அம்மையார் நினைவு விதவை மறுமண நிதி உதவித் திட்டம். இது விதவைக்கான சிறப்பு திட்டம் ஆகும்.

திட்டத்தின் நோக்கங்கள் விதவை மறுமணத்தை ஊக்கப்படுத்துதல். விதவைகளுக்கு வாழ்வு அளித்தல் கலப்புத் திருமணங்களை ஊக்கப்படுத்ததுவது நோக்கம் அல்ல.

திட்டம்-1 - ‘25,000 வழங்கப்படுகிறது. (இதில் ‘15,000 மின்னணு பரிமாற்ற சேவை மூலமாகவும், ‘10,000 தேசிய சேமிப்பு பத்திரமாகவும் வழங்கப்படும்) மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயம் வழங்கப்படும். திட்டம்- 2 - ‘50,000 வழங்கப்படுகிறது. (இதில் ‘30,000 மின்னணு பரிமாற்ற சேவை மூலமாகவும், ‘20,000 தேசிய சேமிப்புப் பத்திரமாகவும் வழங்கப்படும்) மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயம் வழங்கப்படும்.

திட்டம்- 1 - கல்வித் தகுதி தேவையில்லை திட்டம்- 2 பட்டதாரிகள் கல்லூரியிலோ அல்லது தொலை தூரக்கல்வி மூலமோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்றிருத்தல் வேண்டும். பட்டயப் படிப்பு எனில், தமிழக அரசின் தொழில்நுட்பக் கல்வி இயக்குநரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும்.

வருமான வரம்பு - வருமான வரம்பு இல்லை. மணமகளின் குறைந்தபட்ச வயது 20 ஆக இருத்தல் வேண்டும். மணமகனின் வயது 40 வயதிற்கு மிகாமல் இருக்க வேண்டும். விண்ணப்பிக்க வேண்டிய கால அளவு : மறுமணம் செய்த நாளிலிருந்து 6 மாத காலத்திற்குள்.

ஈ.வெ.ரா மணியம்மையார் நினைவு ஏழை விதவையர் மகள் திருமண நிதி உதவித் திட்டம். திட்டத்தின் நோக்கங்கள் : ஏழை விதவையரின் மகளின் திருமணத்தை நடத்துவதில் போதிய நிதிவசதி இல்லாததால் ஏற்படும் சிரமத்தை தவிர்க்கும் வகையில் திருமணத்திற்கு நிதி உதவி வழங்குதல்.

திட்டம் 1 - ‘25,000 மின்னணு பரிமாற்ற சேவை மூலமாகவும், மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படும். திட்டம் 2– ‘50,000 மின்னணு பரிமாற்ற சேவை மூலமாகவும், மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படும்.

திட்டம் - 1 - கல்வித் தகுதி தேவை இல்லை திட்டம்- 2 பட்டதாரிகள் கல்லூரியிலோ அல்லது தொலை தூ ரக்கல்வி மூலமோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்றிருக்க வேண்டும். பட்டயப் படிப்பு எனில் தமிழக அரசின் தொழில்நுட்பக் கல்வி இயக்குநரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும்.

குடும்பத்தின் ஆண்டு வருமானம் ‘72,000க்கு மிகாமல் இருத்தல் வேண்டும். திருமணத் தேதியன்று மணமகள் 18 வயது நிறைவு பெற்றிருக்க வேண்டும். உச்ச வயது வரம்பு ஏதும் இல்லை. விதவைத் தாயின் ஒரு பெண்ணுக்கு மட்டும் உதவித் தொகை வழங்கப்படும்.

அன்னை தெரசா நினைவு ஆதரவற்ற பெண்கள் திருமண நிதி உதவித் திட்டம். திட்டத்தின் நோக்கம் - ஆதரவற்ற பெண்களுக்கு பொருளாதார வகையில் திருமணத்திற்கு உதவுதல். பெற்றோர் இருவரும் இறந்து இருக்க வேண்டும்.

திட்டம்-1 - ‘25,000 மின்னணு பரிமாற்ற சேவை மூலமாகவும், மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படுகிறது. திட்டம்-2 - ‘50,000 மின்னணு பரிமாற்ற சேவை மூலமாகவும், மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படுகிறது .

திட்டம் -1 கல்வித் தகுதி தேவை இல்லை. திட்டம்- 2 பட்டதாரிகள் கல்லூரியிலோ அல்லது தொலை தூ ரக்கல்வி மூலமோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்றிருக்க வேண்டும். பட்டயப் படிப்பு எனில் தமிழக அரசின் தொழில்நுட்பக் கல்வி இயக்குநரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும்.

வருமான வரம்பு இல்லை. திருமணத் தேதியன்று மணப்பெண் 18 வயது நிறைவு பெற்றிருக்க வேண்டும் . உச்ச வயது வரம்பு ஏதும் இல்லை. இதர நிபந்தனைகள் : இல்லை. சட்டமன்ற உறுப்பினர் / பாராளுமன்ற உறுப்பினரிடமிருந்து ஆதரவற்றோர் சான்று பெற்று வழங்கலாம். அல்லது தாய், தந்தை இறப்புச் சான்று வழங்க வேண்டும்.

டாக்டர் முத்துலட்சுமி ரெட்டி நினைவு கலப்புத் திருமண நிதி உதவித் திட்டம். திட்டத்தின் நோக்கங்கள் - கலப்புத் திருமணங்களை ஊக்கப்படுத்தி பிறப்பு அடிப்படையிலான சாதி இன வேறுபாட்டை அகற்றி, தீண்டாமை எனும் கொடுமையை ஒழித்தல்.

திட்டம் 1 - ‘25,000 வழங்கப்படுகிறது (‘15,000 மின்னணு பரிமாற்ற சேவை மூலமாகவும், ‘10,000 தேசிய சேமிப்புப் பத்திரமாகவும்) மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படும். திட்டம் 2 - ‘50,000 வழங்கப்படுகிறது (‘30,000 மின்னணு பரிமாற்ற சேவை மூலமாகவும், ‘20,000 தேசிய சேமிப்புப் பத்திரமாகவும்) மற்றும் திருமாங்கல்யம் செய்வதற்காக 1 சவரன் (8 கிராம்) 22 காரட் தங்க நாணயமும் வழங்கப்படும்.

கீழ்க்கண்ட இரண்டு வகையான கலப்புத் திருமணங்கள் செய்த தம்பதியர் நிதியுதவி பெற தகுதியானவர் : பிரிவு-1 புதுமணத் தம்பதியரில் ஒருவர் ஆதிதிராவிடர் அல்லது பழங்குடியினராக இருந்து பிற இனத்தவரை மணந்து கொண்டால் நிதியுதவி வழங்கப்படும். பிரிவு-2 புதுமணத் தம்பதியரில் ஒருவர் முற்பட்ட வகுப்பினராகவும் மற்றொருவர் பிற்படுத்தப்பட்ட / மிகவும் பிற்படுத்தப்பட்ட வகுப்பினராக இருந்தால் நிதியுதவி வழங்கப்படும். தம்பதியரில் ஒருவர் ஆதிதிராவிடர் அல்லது பழங்குடியினராக இருக்க வேண்டிய அவசியம் இல்லை.

வருமான வரம்பு இல்லை. திட்டம் -1 கல்வித் தகுதி தேவை இல்லை. திட்டம்- 2 பட்டதாரிகள் கல்லூரியிலோ அல்லது தொலை தூரக்கல்வி மூலமோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்றிருக்க வேண்டும். பட்டயப் படிப்பு எனில் தமிழக அரசின் தொழில்நுட்பக் கல்வி இயக்குநரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும்.

மூவலூர் இராமாமிர்தம் அம்மையார் நினைவு திருமண நிதி உதவித் திட்டம். டாக்டர் தர்மாம்பாள் அம்மையார் நினைவு விதவை மறுமண நிதி உதவித் திட்டம். ஈ.வெ.ரா மணியம்மையார் நினைவு ஏழை விதவையர் மகள் திருமண நிதி உதவித் திட்டம். அன்னை தெரசா நினைவு ஆதரவற்ற பெண்கள் திருமண நிதி உதவித் திட்டம். டாக்டர் முத்துலட்சுமி ரெட்டி நினைவு கலப்புத் திருமண நிதி உதவித் திட்டம்.