May 1st Week Tamil Current Affairs Quiz Online Test

“Politics of Jugaad: The Coalition Handbook” என்ற நூலை பத்திரிக்கையாளர் சபா நக்வி எழுதியுள்ளார். இதில், 2019ஆம் ஆண்டடைய மக்களைவைத் தேர்தலுக்குப் பிறகு அமையவுள்ள கூட்டணி அரசு குறித்த வாய்ப்புகளை ஆசிரியர் திறனாய்வு செய்துள்ளார். நாட்டில் உள்ள அரசியல் கூட்டணிகளின் வரலாற்றை பொருளாதாரம் மற்றும் சமூக கொள்கைகளில் அவற்றின் செயல்திறனை அடிப்படையாகக் கொண்டு இது ஆய்வுசெய்கிறது. மேலும், தனது உடன்பிறந்தவரான ராகுல் காந்தியின் தலைமையில் இருக்கும் காங்கிரஸ் கட்சியின் சார்பில் முழு நேர அரசியலில் ஈடுபட்டிருக்கும் பிரியங்கா காந்தி வதேரா குறித்தும் இந்நூல் ஆய்வுசெய்கிறது.

மெட்ராஸ் ஐஐடியைச்சேர்ந்த டாக்டர் ஸ்ரீனிவாச சக்கரவர்த்தி மற்றும் குழுவினர், பாரதி ஸ்கிரிப்ட் என பெயரிடப்பட்டுள்ள ஒன்பது இந்திய மொழிகளுக்கான ஓர் ஒருங்கிணைந்த வரிவடிவத்தை உருவாக்கியுள்ளனர். பன்-மொழி ஒளிவழி எழுத்துரு அறிதல் (OCR) வசதியை பயன்படுத்தி பாரதி வரிவடிவத்திலுள்ள ஆவணங்களை படிப்பதற்கான ஒருமுறையை இக்குழு உருவாக்கியுள்ளது.

பாதுகாப்பான உடல்நலமிக்க மற்றும் ஒழுக்கமான வேலைகளை ஊக்குவிப்பதற்காக சர்வதேச தொழிலாளர் அமைப்பானது (ILO) ஒவ்வோர் ஆண்டும் ஏப்ரல் 28 அன்று தொழிலாளர் பணியிட பாதுகாப்பு மற்றும் உடல்நலனுக்கான உலக தினத்தை அனுசரிக்கிறது. பணியிடத்தில் ஒரு பாதுகாப்பான மற்றும் நலமிக்க சூழலின் தேவையையும் விழிப்புணர்வையும் இந்த நாள் எடுத்தியம்புகிறது.