9th Std Tamil Notes – Part 3

விளக்கம் :- பள்ளிப்பறவைகள் பாடல்கள் பலவும் தென்மொழி, தமிழ்சிட்டு ஆகிய இதழ்களில் வெளிவந்தவை. இந்நூல் குஞ்சுகளுக்கு, பறவைகளுக்கு, மணிமொழிமாலை என முப்பிரிவாக அமைந்துள்ளது.

விளக்கம் :- வினையெச்சம் :- வினையைக் கொண்டு முடியும் எச்சம் வினையெச்சம். இது கால வகையால் மூன்று வகைப்படும். [1] இறந்தகால வினையெச்சம் - ஓடி வந்தான் [2] நிகழ்கால வினையெச்சம் - ஓடி வருகின்றான். [3] எதிர்கால வினையெச்சம் - ஓடி வருவான் குறிப்பு : இவை ‘உ’கர, ‘இ’கர, மற்றும் ‘ய’கர இறுதியுடன் ஒரு எச்சச்சொல்லில் நிற்கும். வினையெச்சத்தை எப்படி எளிதாக கண்டுபிடிப்பது? (எ.கா) படித்து முடித்தான், வந்து சென்றான், ஓடி மறைந்தான், பாடி முடித்தான், சென்று வந்தான். படித்து முடித்தான், வந்து சென்றான், ஓடி மறைந்தான், பாடி முடித்தான், சென்று வந்தான் போன்ற வாக்கியங்களைக் கொடுத்து இதன் இலக்கண வகை என்ன என்று வினா வரும்போது முதலில் உள்ள படித்து, வந்து, ஓடி, பாடி, சென்று போன்றவற்றை கணக்கிட்டுதான் அவைவினையெச்சம் என எண்ண வேண்டும். முதலில் படித்து, வந்து, சென்று போன்ற வார்த்தைகளை நன்றாக உச்சரித்துப் பாருங்கள். அவ்வார்த்தைகள 'உ' என்னும் சத்தத்தோடு முடியும்.

விளக்கம் :- இன்னல் என்றால் துன்பம் என்று பொருள்.

விளக்கம் :- நம்பி என்ற பெயர் தருமியை குறிக்கும்.

விளக்கம் :- வழுவு பாடல் – குற்றமுள்ள பாடல்.

விளக்கம் :- அல்கு - என்பதன் பொருள் இரவு.

விளக்கம் :- நாவலன் - என்பதன் பொருள் புலவர்.

விளக்கம் :- மீனாட்சியம்மை பிள்ளைத்தமிழின் ஆசிரியர் - குமரகுருபரர். மீதமுள்ள இரு நூல்களும் (திருவிளையாடற் போற்றிக்கலிவெண்பா, மதுரைப் பதிற்றுப்பத்தந்தாதி ) பரஞ்சோதி முனிவர் எழுதியது.

விளக்கம் :- திருவிளையாடற் புராணம், மதுரைக்காண்டம் ( 18 படலம் ), கூடற்காண்டம் ( 30 படலம் ), திருவாலவாய்க்காண்டம் ( 16 படலம் ) என்னும் முப்பெரும் பகுதிகளையும், படலம் என்னும் 64 உட்பிரிவுகளையும் உடையது. இதில் 3363 விருத்தப்பாக்கள் உள்ளன. மதுரையில் இறைவன் நிகழ்த்திய 64 திருவிளையாடல்களை இப்படலங்கள் விளக்குகின்றன. தொடை நயமும் பத்திச்சுவையும் மிக்க இந்நூலுக்கு ந.மு.வேங்கடசாமி உரையெழுதியுள்ளார்.

விளக்கம் :- காலில் (தரைவழிப்பிரிதல்) பிரிவு, கலத்தில் (நீர்வழிப் பிரிதல்) பிரிவு என இருவகைப்படும்.

விளக்கம் :- கொற்கைத்துறையிற் பிறந்த முத்தும்.

விளக்கம் :- பழந்தமிழகத்தின் வாணிகப்பொருள்களைப் பற்றிய குறிப்புகள் பட்டினப்பாலையிலும் மதுரைக்காஞ்சியிலும் காணப்படுகின்றன. இங்கிருந்து ஏற்றுமதியான பொருள்களுள் இரத்தினம், முத்து, வைரம், மிளகு, கருங்காலி, கருமருது, தேக்கு, சந்தனம், வெண்துகில், அரிசி, ஏலக்காய், இலவங்கப்பட்டை, இஞ்சி முதலியன குறிப்பிடத்தக்கவை. தமிழகப் பொருள்கள் சீனத்தில் விற்கப்பட்டன. சீனத்துப் பட்டும் சருக்கரையும் தமிழகத்துக்கு இறக்குமதி ஆயின. கரும்பு, அதியமானின்முன்னோர் காலத்தில் சீனாவிலிருந்து கொண்டுவந்து பயிரிடப்பட்டது.

விளக்கம் :- ஆறு வயதான போது அலெக்சாண்டர் கிரகாம்பெல் உதவியால் பெர்கின்ஸ் பள்ளியில் (பெர்கின்ஸ் பள்ளி என்பது பார்வையற்றோருக்கான பள்ளி. அமெரிக்காவில் பாஸ்டன் நகரில் அமைந்துள்ளது.) சேர்ந்தார். அங்குப் பணிபுரிந்த அன்னிசல்லிவான் என்பவர் ஹெலனுக்கு ஆசிரியராக வாய்த்தார். கெலன் கெல்லர் பாஸ்டனில் உள்ள ஹோரஸ்மான் காதுகேளாதோருக்கான பள்ளியிலும், நியூயார்க்கில் உள்ள ரைட் ஹூமாசன் பள்ளியிலும் முறைப்படி பயின்றார்.

விளக்கம் :- ஆசிரியர் அன்னி 1930 ஆம் ஆண்டு இறந்துவிடத் தனது மொழி பெயர்ப்பாளர் பாலி தாம்சன் என்பவர் அவருக்கு உதவினார். ஜப்பான் முதலான நாடுகளுக்குச் சுற்றுப்பயணம் மேற்கொண்டார். ஹெலன், வாஷிங்டன் நகரின் புகழ்பெற்ற பெண்மணியாகத் திகழ்ந்தார்.

விளக்கம் :- முதல் நாள், கண்ணொளி கிடைத்ததும் முதன்முதலில் பார்த்தது, அவரின் கல்விக்கண் திறந்து வைத்த ஆசிரியரின் முகத்தையே. அவரைச் சந்தித்ததற்குப் பின், பொறுமை, அன்பு, இரக்கம், துணிவு, தன்னம்பிக்கை ஆகியவற்றுக்கு எடுத்துக்காட்டாகத் தமது ஆசிரியர் திகழ்வதனை உணர்ந்தார். ஆசிரியரைப் பார்த்ததற்குப் பின் அவர், தமது உயிர்தோழிகளைச் சந்தித்தார். இரண்டாவது நாள், ஹெலன் கெல்லர் கதிரவன் தோன்றுவதனைக் கண்டார். அன்று நியூயார்க்கிலுள்ள அருங்காட்சியகத்தைக் கண்டு, இயற்கை வரலாற்றைத் தெரிந்து கொண்டார். அருங்காட்சியகம் அவருக்கு உலக மரபியல் வளர்ச்சியை அறிந்துகொள்ளப் பேருதவியாக இருந்ததை எண்ணி மகிழ்ந்தார். பெருநகரப் பொருட்காட்சிக் சாலையில் இடம்பெற்றிருந்த புகழ்பெற்ற கலைஞர்கள், லியனார் டோ டாவின்சி முதலானோர் ஓவியங்களையும் கலைபொருள்களையும் கண்டுமகிழ்ந்தார். பிறகு, ஹெலன், ஷேக்ஸ்ப்பியருடைய நாடகமொன்றனைப் பார்த்தார். மூன்றாவது நாள், நகரின் கிழக்குப் பக்கத்திலுள்ள ஆற்றுப்பாலத்தை உற்று நோக்கினார். பின்பு, நியூயார்க்கில் உள்ள வானளாவிய இரட்டைக் கோபுரக் கட்டடத்தைக் கண்டுகளித்தார். ஹெலன் மூன்றாம் நாள் சொன்னது எனது கண்கள் துக்கத்தையும் மகிழ்ச்சியையும் முதன்முதலாகக் கண்டன.

விளக்கம் :- யாப்பு – யாக்கப்படுவது – கட்டப்படுவது. யாப்பு என்பது செய்யுள். எழுத்து, அசை, சீர், தளை, அடி, தொடை என்னும் ஆறும் செய்யுளின் உறுப்புகளாகும்.

விளக்கம் :- எழுத்தானது தனியாகவோ பல சேர்ந்தோ ஓசையுடன் அசைந்து (பிரிந்து) நிற்பது அசை எனப்படும். இது நேரசை, நிரையசை என இருவகைப்படும். நேரசை , (2) நிரையசை. நேரசை:- குறில் தனித்தும் குறில் ஒற்றடுத்தும், நெடில் தனித்தும் நெடில் ஒற்றடுத்தும் வருவது நேரசை எனப்படும். (எ.கா.) : குறில் தனித்து வரல் – க. குறில் ஒற்றுடன் வரல் – கல். நெடில் தனித்து வரல் – கா. நெடில் ஒற்றுடன் வரல் – கால். நிரையசை : குறில் இணைந்தும் குறில் இணைந்து ஒற்றும், குறில் நெடில் இணைந்தும், குறில் நெடில் இணைந்து ஒற்றும் வருவது நிரையசை. (எ.கா.) : குறில் இணைந்து வரல் – பட. குறில் இணைந்து ஒற்றுடன் வரல் – படம். குறில் நெடில் இணைந்து வரல் – படா. குறில் நெடில் இணைந்து ஒற்றுடன் வரல் – படாம்.

விளக்கம் :- அசைகள் தனித்தும் இணைந்தும் கூடி, அடிக்கு உறுப்பாக அமைவது சீர் எனப்படும். அஃது ஓரசைச்சீர், ஈரசைச்சீர், மூவசைச்சீர், நாலசைச்சீர் என நால்வகைப்படும்.

விளக்கம் :- வெண்பாவின் ஈற்றில் நேரசை, நிரையசையுள் ஏதேனும் ஒன்று தனித்து நின்று சீராய் அமையும். அவற்றை ஓரசைச்சீர் என்பர். அவை நாள் (நேர்), மலர் (நிறை), காசு (நேர்பு), பிறப்பு (நிரைபு) என நால்வகை வாய்பாடுகளுள் ஒன்றனைப் பெறும். (எ.கா.) : செவியிற் சுவையுணரா வாயுணர்வின் மாக்கள் அவியினும் வாழினும் என். [ என் – நேர் (நாள்) ] 2. செவிக்குண வில்லாத போழ்து சிறிது வயிற்றுக்கும் ஈயப் படும். [ படும் – நிரை (மலர்) ] 3. நாடென்ப நாடா வளத்தன நாடல்ல நாட வளந்தரு நாடு. [ நாடு – நேர்பு (காசு) ] 4. அகர முதல எழுத்தெல்லாம் ஆதி பகவன் முதற்றே உலகு [ உலகு – நிரைபு (பிறப்பு) ]

விளக்கம் :- ஈரசைச்சீர் :- ஈரசை சேர்ந்து ஒரு சீர் ஆவது ஈரசைச்சீர். நேரில் முடிவது இரண்டும், நிறையில் முடிவது இரண்டுமாக ஈரசைச்சீர் நான்கு ஆகும். நேர் நேர் – தேமா – மாச்சீர் – 2 (தேமா, புளிமா என மாவில் முடிவடைவதனால் மாச்சீர்.) நிரை நேர் – புளிமா – மாச்சீர் – 2 (தேமா, புளிமா என மாவில் முடிவடைவதனால் மாச்சீர்.) நிரை நிரை – கருவிளம் – விளச்சீர் – 2 ( கருவிளம், கூவிளம் என விளத்தில் முடிவதனால் விளச்சீர்.) நேர் நிரை – கூவிளம் – விளச்சீர் – 2 ( கருவிளம், கூவிளம் என விளத்தில் முடிவதனால் விளச்சீர்.) (ஈரசைச்சீர் நான்கும் ஆசிரியப்பாவுக்கு உரியவை.) இவை இயற்சீர் எனவும், ஆசிரிய உரிச்சீர் எனவும் வழங்கப்படும்.

விளக்கம் :- மூவசைச்சீர் எட்டுடன் நேரசை, நிரையசைகளைத் தனித்தனியாகச் சேர்த்தால், நாலசைச்சீர் பதினாறு கிடைக்கும். இதனைப் பொதுச்சீர் எனக் கூறுவர். பொதுச்சீர்கள் தண்பூ, தண்நிழல், நறும்பூ, நறுநிழல் ஆகிய வாய்ப்பாடுகளைக் கொண்டு முடியும்.

விளக்கம் :- இல்பொருள் உவமையணி :- உலகில் இல்லாத பொருளை ஒன்றனுக்கு உவமையாக்கிக் கூறுவது இல்பொருள் உவமையணி எனப்படும். அன்பகத் தில்லா உயிர்வாழ்க்கை வன்பாற்கண் வற்றல் மரந்தளிர்த் தற்று. இக்குறட்பாவைப் படித்துப் பாருங்கள், உள்ளத்தில் அன்பில்லாத ஒருவர் குடும்ப வாழ்க்கை நடத்துவது என்பது, பாலை நிலத்தில், பட்டமரம் தளிர்விட்டு வளர்வது போன்றது. திருவள்ளுவர், இக்குறட்பாவில் அன்பில்லாதவன் வாழ்க்கை, பாலைநிலத்தில் பட்டமரம் தளிர்விட்டு வளர்வதற்கு ஒப்பானது என இல்லாத பொருளை உவமித்துக் கூறுகிறார். புலவன், உலகில் இயல்பாக இல்லாத பொருளை இவ்வாறு உவமையாக்கிக் கூறுவது இல்பொருள் உவமையணி ஆகும்.