9th Std Tamil Notes Online Test – Part 9

விளக்கம் :- மா என்பதன் சரியான சொற்பொருள் விலங்கு.

விளக்கம் :- ஈதல் என்பதன் சரியான சொற்பொருள் கொடுத்தல்.

விளக்கம் :- ஈதல் என்பதன் சரியான இலக்கணக்குறிப்பு தொழிற்பெயர்.

விளக்கம் : உயர்ந்தன்று என்பதன் சரியான சொற்பொருள் உயர்ந்தது.

குறிப்பு :- ஆரளவு என்பதன் சரியான பிரித்தறிதல் - அருமை + அளவு.

விளக்கம் :- சீர்கள் பல அடுத்து நடப்பது அடி எனப்படும். குறளடி, சிந்தடி, அளவடி, நெடிலடி, கழிநெடிலடி என அடி ஐவகைப்படும்.

விளக்கம் :- அடிதோறும் இருசீர்களைப் பெற்று வருவது குறளடி எனப்படும். (எ.கா.) : முக்தி வேண்டுமேல் பக்தி வேண்டுமால் சத்தி யம்இது புத்தி நெஞ்சமே.

விளக்கம் :- அடிதோறும் முச்சீர்களைப் பெற்று வருவது சிந்தடி எனப்படும். (எ.கா.) :- பழுதி லாத பயிர்த்தொழில் பழுதி லாது பயிற்றவே பழுதி லாது பலதொழில் பழுதி லாது பயிற்றினர்

விளக்கம் :- அடிதோறும் நான்கு சீர்களைப் பெற்று வருவது அளவடி அல்லது நேரடி எனப்படும். (எ.கா.) : தாய்மொழி தாயினும் தகவிற் போற்றுவன் ஆய்மொழி யாளர்தம் அன்புக்கு ஏற்றவன் காய்மொழி யாவதுங் கடிந்து மாற்றுவன் வாய்மொழி தப்பிடா வகையில் ஆற்றுவன்.

விளக்கம் :- அடிதோறும் ஐந்து சீர்களைப் பெற்று வருவது நெடிலடி எனப்படும். (எ.கா.) : ஆடும் கடைமணி நாஅசை யாமல் அகிலமெங்கும் நீடும் குடையைத் தரித்த பிரானிந்த நீள்நிலத்தில் பாடும் புலவர் புகழ்ஒட்டக் கூத்தன் பதாம்புயத்தைச் சூடும் குலோத்துங்க சோழனென் றேயெனைச் சொல்லுவரே !

விளக்கம் :- அடிதோறும் ஆறு அல்லது அதற்குமேற்பட்ட பல சீர்களைப் பெற்று வருவதனைக் கழிநெடிலடி எனக் கூறுவர். (எ.கா.) : வாழ்வினில் செம்மை வேண்டும் வாய்மையே பேசல் வேண்டும்; பாழ்ச்செயல் விலக்கல் வேண்டும் ; பண்பினைக் காத்தல் வேண்டும்; தாழ்வினை அகற்ற வேண்டும் ; தருக்கினை விடுதல் வேண்டும்; சூழ்நிலை உணர்தல் வேண்டும் சோம்பலைப் போக்க வேண்டும். இப்பாடல் அடிதோறும் ஆறுசீர்கள் பெற்றுள்ளதனால், இதனைக் கழிநெடிலடி என்பர். பாடலிலுள்ள சீர்களை எண்ணி, இதனை அறுசீர்க்கழிநெடிலடி என்பர். இதுபோல் ஏழுசீர்கள் இருந்தால் எழுசீர்க்கழிநெடிலடி என்றும், எட்டுச் சீர்கள் இருந்தால் எண்சீர்க்கழிநெடிலடி என்றும் கூறுவர்.

விளக்கம் :- (தொடை – தொடுக்கப்படுவது, தொடை – மாலை). பாவின் ஓசையின்பத்திற்கும் சிறப்பிற்கும் இத்தொடை வேண்டுவதாகும், தொடையற்ற பாட்டு நடையற்றுப் போகும் என்பது பழமொழி.

விளக்கம் :- தொடை எண்வகைப்படும். அவை : 1.மோனைத்தொடை. 2.எதுகைத்தொடை. 3.முரண்தொடை. 4.இயைபுத்தொடை. 5.அளபெடைத்தொடை. 6.இரட்டைத்தொடை. 7.அந்தாதித்தொடை. 8.செந்தொடை

விளக்கம் :- செய்யுளில் அடிதோறும் முதல் எழுத்து ஒன்றிவரத் தொடுப்பது அடிமோனைத் தொடை எனப்படும். எண்ணித் துணிக கருமம் துணிந்தபின் எண்ணுவம் என்ப திழுக்கு - இக்குறட்பாவில் முதல் அடியின் முதற்சீரிலுள்ள முதல் எழுத்தும் (எ) இரண்டாம் அடியின் முதற்சீரிலுள்ள முதல் எழுத்தும் (எ) ஒன்றி வந்துள்ளதனால், இது மோனைத்தொடை.

விளக்கம் :- அடிதோறும் முதலெழுத்து அளவொத்து (ஓசையில்) நிற்க. இரண்டாம் எழுத்து ஒன்றிவரத் தொடுப்பது அடியெதுகைத்தொடை எனப்படும். அகர முதல எழுத்தெல்லாம் ஆதி பகவன் முதற்றே உலகு – இக்குறட்பாவில் முதல் அடியிலும் இரண்டாம் அடியிலும் க என்னும் இரண்டாம் எழுத்து ஒன்றி வந்துள்ளது. எனவே, இஃது அடியெதுகைத்தொடை எனப்படும்

விளக்கம் :- அடிதோறும் முதற்சீர் முரண்படத் தொடுப்பது அடிமுரண்தொடை எனப்படும். இன்பம் விழையான் இடும்பை இயல்பென்பான் துன்பம் உறுதல் இலன் – இப்பாடலில் முதலடியில் இன்பம் என்றும், இரண்டாம் அடியில் துன்பம் என்றும் முரண்பட்ட சொற்கள் வந்துள்ளன. எனவே, இஃது அடிமுரண்தொடை எனப்படும்.

விளக்கம் :- அடிதோறும் இறுதிச்சீர் ஒன்றிவரத் தொடுப்பது அடிஇயைபுத்தொடை எனப்படும். கொண்டல் கோபுரம் அண்டையில் கூடும் கொடிகள் வானம் படிதர மூடும் கண்ட பேரண்டத் தண்டலை நாடும் கனக முன்றில் அனம்விளை யாடும் - இப்பாடலில் அடிதோறும் இறுதிச்சீர் ஒன்றி வந்துள்ளதனால் அடிஇயைபுத் தொடை ஆயிற்று.

விளக்கம் :- அடிதோறும் முதல் சீர் அளபெடுத்து வருவது அடியளபெடைத் தொடை எனப்படும். கெடுப் பதூஉம் கெட்டார்க்குச் சார்வாய்மற் றாங்கே எடுப்ப தூஉம் எல்லாம் மழை – இப்பாடலில் கெடுப்பதூஉம், எடுப்பதூஉம் என இரண்டடிகளிலும் அளபெடுத்து வந்துள்ளமையால், அடியளபெடைத் தொடை எனப்படும்.

விளக்கம் :- இணை மோனை (1, 2) :- நாலடி கொண்ட சீருள் முதலிரு சீர்களில் முதலெழுத்து ஒன்றிவரத் தொடுப்பது இனை மோனை எனப்படும். இன்சொல் இனிதீன்றல் காண்பான் எவன்கொலோ வன்சொல் வழங்கு வது.

விளக்கம் :- பொழிப்பு மோனை (1, 3) : ஓர் அடியுள் முதற்சீரிலும் மூன்றாம் சீரிலும் முதலெழுத்து ஒன்றி வருவது பொழிப்பு மோனை எனப்படும். துறந்தார் பெருமை துணைக்கூறின் வையத் திறந்தாரை எண்ணிக்கொண் டற்று.

விளக்கம் :- ஒரூஉ மோனை (1, 4) : ஓர் அடியுள் முதற்சீரிலும் நாலாம் சீரிலும் முதலெழுத்து ஒன்றிவரத் தொடுப்பது ஒரூஉ மோனை எனப்படும். நிறைமொழி மாந்தர் பெருமை நிலத்து மறைமொழி காட்டி விடும்

விளக்கம் :- கூழை மோனை (1, 2, 3) :- ஓர் அடியுள் முதல், இரண்டு, மூன்றாம் சீர்களில் முதலெழுத்து ஒன்றிவரத் தொடுப்பது கூழை மோனை எனப்படும். தானம் தவமிரண்டும் தங்கா வியனுலகம் வானம் வழங்கா தெனின்

விளக்கம் :- மேற்கதுவாய் மோனை (1, 3, 4) :- ஓர் அடியுள் முதல், மூன்று, நாலாம் சீர்களில் முதலெழுத்து ஒன்றிவரத் தொடுப்பது மேற்கதுவாய் மோனை எனப்படும். விண்ணின்று பொய்ப்பின் விரிநீர் வியனுலகத் துள்நின்று டற்றும் பசி.

விளக்கம் :- கீழ்க்கதுவாய் மோனை (1, 2, 4) :- ஓர் அடியுள் முதல், இரண்டு, நாலாம் சீர்களில் முதலெழுத்து ஒன்றிவரத் தொடுப்பது கீழ்க்கதுவாய் மோனை எனப்படும். இருள்சேர் இருவினையும் சேரா இறைவன் பொருள்சேர் புகழ்புரிந்தார் மாட்டு.

விளக்கம் :- முற்று மோனை (1, 2, 3, 4) :- ஓர் அடியின் நாலு சீர்களிலும் முதலெழுத்து ஒன்றிவரத் தொடுப்பது முற்று மோனை எனப்படும். கற்க கசடறக் கற்பவை கற்றபின் நிற்க அதற்கு தக. குறிப்பு : நாலு சீர்களில் மோனைக்குரிய விகற்பகங்கள் இணை. பொழிப்பு, ஒரூஉ, கூழை, மேற்கதுவாய், கீழ்க்கதுவாய், முற்று என ஏழிற்கும் முதல் எழுத்து ஒன்றிவரத் தொடுப்பது போலவே எதுகையும் வரும்.

விளக்கம் :- முதலிரு சீர்களில் முதலெழுத்து அளவொத்து நிற்க (ஓசையளவில்) இரண்டாம் எழுத்து ஒன்றிவரத் தொடுப்பது இணை எதுகை எனப்படும். ஆற்றுவார் ஆற்றல் பசியாற்றல் அப்பசியை மாற்றுவார் ஆற்றலின் பின்.

விளக்கம் :- பொழிப்பு எதுகை (1, 3) :ஓர் அடியுள் முதல் சீரிலும் மூன்றாம் சீரிலும் முதலெழுத்து அளவொத்து நிற்க, இரண்டாம் எழுத்து ஒன்றிவரத் தொடுப்பது பொழிப்பு எதுகை எனப்படும். அல்லல் அருளாள்வார்க் கில்லை வளிவழங்கும் மல்லல்மா ஞாலம் கரி

விளக்கம் :- ஒரூஉ எதுகை (1, 4) :- ஓர் அடியுள் முதல் சீரிலும் நாலாம் சீரிலும் முதலெழுத்து அளவொத்து நிற்க, இரண்டாம் எழுத்து ஒன்றிவரத் தொடுப்பது ஒரூஉ எதுகை எனப்படும். அருளிலார்க் கவ்வுலகம் இல்லை பொருளிலார்க் கிவ்வுலகம் இல்லாகி யாங்கு

விளக்கம் :- கூழை எதுகை (1, 2, 3) :- ஓர் அடியுள் முதல், இரண்டு, மூன்றாம் சீர்களில் முதலெழுத்து அளவொத்து நிற்க, இரண்டாம் எழுத்து ஒன்றிவரத் தொடுப்பது கூழை எதுகை எனப்படும். பற்றுக பற்றற்றான் பற்றினை அப்பற்றைப் பற்றுக பற்று விடற்கு

விளக்கம் :- மேற்கதுவாய் எதுகை (1, 3, 4) :- ஓர் அடியுள் முதல், மூன்று, நாலாம் சீர்களில் முதலெழுத்து அளவொத்து நிற்க, இரண்டாம் எழுத்து ஒன்றிவரத் தொடுப்பது மேற்கதுவாய் எதுகை எனப்படும். அழக்கொண்ட எல்லாம் அழப்போம் இழப்பினும் பிற்பயக்கும் நற்பா லவை

விளக்கம் :- ஓர் அடியுள் உள்ள நாற்சீர்களிலும் முதலெழுத்து அளவொத்து நிற்க, இரண்டாம் எழுத்து ஒன்றிவரத் தொடுப்பது முற்றெதுகை எனப்படும். துப்பார்க்குத் துப்பாய துப்பாக்கித் துப்பார்க்குத் துப்பாய தூஉம் மழை

குறிப்பு :- ஒரூஉ (சீர்கள்) – 1, 4

குறிப்பு :- முற்று (சீர்கள்) – 1, 2, 3, 4.

விளக்கம் :- ஏகதேச உருவக அணி :- கவிஞர், தாம் எடுத்துக்கொண்ட பல பொருள்களை உருவகப்படுத்திக் கூறும்போது, ஒன்றனை மட்டும் உருவகப்படுத்தி, அதனோடு தொடர்புடைய மற்றொன்றை உருவகப்படுத்தாமல் விடுவது, ஏகதேச உருவக அணி எனப்படும். பிறவிப் பெருங்கடல் நீந்துவர் நீந்தார் இறைவன் அடிசேரா தார். - இக்குறட்பாவில் பிறவியைக் கடலாக உருவகப்படுத்திவிட்டு, அதனைக் கடக்க உதவும் இறைவனைடியைத் தெப்பமாக உருவகப்படுத்தாமையால், இஃது ஏகதேச உருவாக அணி ஆயிற்று