8th Std Tamil Notes – Part 5

குறிப்பு :- நவ்வி - மான்

குறிப்பு :- சைவத் திருமுறைகளில் பத்தாவது திருமுறை திருமந்திரம். இதற்குத் தமிழ் மூவாயிரம் என்னும் வேருபெயரும் உண்டு. இந்நூல் மூவாயிரம் பாடல்களைக் கொண்டது. நம் பாடப்பகுதியில் இடம்பெற்றுள்ள பாடல், மூன்றாம் தந்திரத்தில் எழுநூற்று இருபத்து நான்காவது பாடலாகும்.

குறிப்பு :- குருதி - இரத்தம்

குறிப்பு :- தேம்பாவணி = தேம்பா + அணி = வாடாதமாலை என்றும், தேம்பாவணி = தேன் + பா + அணி = தேன்போன்ற இனிய பாடல்களாலான மாலை என்றும் பொருள்படும்.

குறிப்பு :- நாட்டை அகத்தில் கொண்டது நாடகம். நாட்டின் கடந்த காலத்தையும் நிகழ்காலத்தையும் வருங்காலத்தையும் தன் அகத்தே காட்டுவதனால், நாடகம் எனப் பெயர் பெற்றது என்பர். அகம் - நாடு; உன்னுள் நோக்கு; உன்னை உணர்;

குறிப்பு :- பண்டைய மரப்பாவைக்கூத்து, பொம்மலாட்டமாக வளர்ச்சியடைந்த பின்னர், தோல்பாவைக் கூத்து, நிழற்பாவைக் கூத்து ஆகியன முறையே பாவைக்கூத்தின் வளர்ச்சி நிலைகளாக மக்களிடையே வழக்கிலிருந்தன.

குறிப்பு :- தனிப்பாடல்களுக்கு மெய்ப்பாடு தோன்ற ஆடுவதனை நாட்டியம் என்றும், ஏதேனும் ஒரு கதையைத் தழுவி வேடம்புனைந்து ஆடுவதனை நாடகம் என்றும் குறிப்பிட்டு வந்துள்ளனர். 'நாட்டியம்', 'நாடகம்' இரண்டிற்கும் பொதுவாகக் கூத்து என்னும் சொல்லே வழக்கில் இருந்தது. சிலப்பதிகாரத்திற்கு உரை எழுதிய அடியார்க்கு நல்லார் கூத்துவகைகளைப் பற்றியும், நாடகநூல்கள் பற்றியும் தமது உரையில் குறிப்பிட்டுள்ளார்.

குறிப்பு :- தஞ்சாவூரை ஆண்டபோது கோவிலில் நாடகங்கள் மராத்திய மன்னர்களால் நடத்தப்பெற்றன. நாயக்க மன்னர்களின் ஆட்சிக்காலத்தில் குறவஞ்சி நாடகங்கள் தோன்றின. பள்ளு நாடகவகை, உழவர்களின் வாழ்க்கையைச் சித்தரித்துள்ளன

குறிப்பு :- தஞ்சாவூரை ஆண்டபோது கோவிலில் நாடகங்கள் மராத்திய மன்னர்களால் நடத்தப்பெற்றன. நாயக்க மன்னர்களின் ஆட்சிக்காலத்தில் குறவஞ்சி நாடகங்கள் தோன்றின. பள்ளு நாடகவகை, உழவர்களின் வாழ்க்கையைச் சித்தரித்துள்ளன

குறிப்பு:- கதரின் வெற்றி நாடகம்தான் தமிழ்நாட்டில் முதன்முதலாக நடத்தப்பட்ட தேசிய சமுதாய நாடகமாகும். இதனைத் தொடர்ந்து தேசியக்கொடி, தேசபக்தி முதலிய நாடகங்கள் நடத்தப்பட்டன.

குறிப்பு :- இருபதாம் நூற்றாண்டின் தொடக்கத்தில் நாடகத்துறைக்குப் பெருந்தொண்டு புரிந்தவர் சங்கரதாசு சுவாமிகள்.

குறிப்பு :- இவரை ஒளவை சண்முகனார் என்றே அழைத்தனர்.

குறிப்பு :- ஆகுபெயர் பதினாறு வகைபெறும். அவையாவன: பொருளாகு பெயர், இடவாகு பெயர், காலவாகு பெயர், சினையாகு பெயர், பண்பாகு பெயர், தொழிலாகு பெயர், எண்ணல் அளவையாகு பெயர், எடுத்தல் அளவையாகு பெயர், முகத்தல் அளவையாகு பெயர், நீட்டல் அளவையாகு பெயர், சொல்லாகு பெயர், தானியாகு பெயர், கருவியாகு பெயர், காரியவாகு பெயர், கருத்தாவாகு பெயர், உவமையாகு பெயர்.

விளக்கம் :- ஒன்று பெற்றால் ஒளி மயம். இத்தொடரில் ஒன்று என்னும் எண்ணுப்பெயர், அவ்வெண்ணுக்குத் தொடர்புடைய குழந்தைக்குப் பெயராகி வந்தது. இஃது எண்ணல் அளவை ஆகுபெயர்.

விளக்கம் :- ஐந்து கிலோ என்ன விலை? இத்தொடரில் கிலோ என்னும் எடுத்தல் அளவைப் பெயர், அவ்வளவைக் குறிக்காமல், அவ்வளவுடைய பொருளுக்கு (அரிசி, பருப்பு..) ஆகிவந்தது. எனவே, இஃது எடுத்தல் அளவை ஆகுபெயர்.

விளக்கம் :- பாலை இறக்கு. பாலின் பெயர், பாலைக் குறிக்காமல் பாத்திரத்தைக் குறிக்கிறது. ஓர் இடத்தில் உள்ள ஒரு பொருளின் பெயர் (தானி), அது சார்ந்திருக்கும் இடத்திற்குப் (தானத்திற்கு) பெயராகி வருவது தானியாகுபெயர் . பொருள், இடத்திற்கு ஆகி வருவது தானியாகுபெயர். இடவாகுபெயர் :- இடம், பொருளுக்கு ஆகி வருவது இடவாகுபெயர்.

விளக்கம் :- யாழ் கேட்டு மகிழ்ந்தாள். இத்தொடரில், யாழ் என்னும் கருவி இசைக்கு ஆகி வந்ததால் கருவியாகு பெயர். கருவியாகு பெயர் : கருவிப் பொருளைக் குறிக்காமல், அதனின் தோன்றிய காரியத்திற்கு ஆகிவரும். (எ-டு) : வீணை கேட்டு மெய்ம்மறந்தேன்

விளக்கம் :- நான் சமையல் கற்றேன். இங்குச் சமையல் என்னும் காரியத்தின் பெயர் அதன் காரணத்திற்குப் (கருவிக்கு) பெயராகி வருவது காரியவாகு பெயர். காரியவாகு பெயர் : காரியப்பொருள் கருவிப்பொருளுக்கு ஆகிவருவது. (எ-டு) : நன்னூல் கற்றேன்..

விளக்கம் :- திருவள்ளுவரைப் படித்துப்பார். இத்தொடரில் திருவள்ளுவர் என்பது, அவரால் இயற்றப் பெற்ற நூலுக்கு ஆகிவந்ததனால், கருத்தாவாகு பெயராயிற்று.

விளக்கம் :- ஒருவரைப் பார்த்து, நாரதர் வருகிறார் எனல். இத்தொடரில் நாரதர் என்னும் பெயர் அவரைக் குறிக்காமல், அவரைபோன்ற (கலகமூட்டுபவர்) வேறொருவர்க்கு ஆகிவந்தது. அதனால், இஃது உவமையாகுபெயராயிற்று. பொருள்முதல் ஆறோடு அளவை சொல்தானி கருவி காரியம் கருத்தன் ஆதியுள் ஒன்றன் பெயரான் அதற்கியை பிறிதைத் தொன்முறை உரைப்பன ஆகு பெயரே. – நன்னூல் 290...

குறிப்பு:- பொருளாகு பெயர் :- 'மல்லிகை’ என்பது ‘பூ’ இல்லை, அது கொடி. ‘மல்லிகை சூடினாள்’ எனச்சொன்னால், அங்கு மல்லிகை என்பது கொடியாகிய முதற்பொருளைக் குறிக்காமல் பூ என்னும் சினையைக் குறிக்கிறது. இவ்வாறு முதற்பொருள் சினைக்கு (உறுப்புக்கு) ஆகி வருவது, முதலாகு பெயர் எனப்படும். இதனைப் பொருளாகுபெயர் எனவும் கூறுவர்.

குறிப்பு :- நேற்றுப் பேச்சுப்போட்டியில் முதல் பரிசு பெற்ற பள்ளி, எது? பூண்டிப்பள்ளி. பூண்டிப் பள்ளியா வந்து பேசியது? பள்ளி எப்படிப் பேசும்? பூண்டியிலுள்ள பள்ளியில் பயின்ற மாணவி பேசினாள், ‘பள்ளி’ என்னும் இடப்பெயர், அப்பள்ளியில் பயிலும் மாணவிக்கு ஆகி வந்தது. அதனால், இஃது இடவாகு பெயர்

குறிப்பு :- காலவாகு பெயர் :- உன் தலையில் வைத்திருக்கும் பூவின் பெயரென்ன? திசம்பர் பூ. திசம்பர் என்பது என்ன? மாதத்தின் பெயர். திசம்பர் என்னும் மாதப்பெயர், அம்மாதத்தில் பூக்கும் பூவிற்கு ஆகி வந்தது. அதனால், இது காலவாகுபெயர்

குறிப்பு :- சினையாகு பெயர் :- சினை என்றால் உறுப்பு. 'வெற்றிலை நட்டான்' - இத்தொடரில் உள்ள வெற்றிலை என்பது சினையாகிய இலையைக் குறிக்காமல், அதன் முதல் பொருளாகிய கொடிக்கு ஆகி வந்தது. அதனால், இது சினையாகு பெயர் ஆயிற்று.

குறிப்பு :- குணவாகு பெயர் :- பொங்கலுக்கு முன் வீட்டுச் சுவர்களுக்கு என்ன அடிப்போம்? வெள்ளை. வெள்ளை என்பது நிறப்பண்பு ஆனால், அது நிறத்தைக் குறிக்காமல், சுண்ணாம்பைக் குறித்து வந்தது. அதனால், இது பண்பாகு பெயர். இதனைக் குணவாகுபெயர் எனவும் கூறுவர்.

குறிப்பு :- தொழிலாகுபெயர்:- 'பொங்கல்' உண்போம், ஐயா. இங்குப் பொங்கல் என்பது பொங்குதலாகிய தொழிற்பெயர். இத்தொழிற்பெயர் தொழிலைக் குறிக்காமல், அத்தொழிலால் ஆகும் உணவைக் குறித்தது. அதனால், இது தொழிலாகு பெயர்.

குறிப்பு :- ஆந்தை கத்தியது - மரபு வழு

குறிப்பு :- சிங்கம் கனைத்தது - மரபு வழு