10th Std Tamil Notes Part 1

குறிப்பு :- விரை என்பதன் சரியான சொற்பொருள் மணம்.

குறிப்பு :- ததும்பி என்பதன் சரியான சொற்பொருள் பெருகி.

குறிப்பு :- ஒழுக்கம் என்பதன் சரியான இலக்கணக்குறிப்பு தொழிற்பெயர்.

குறிப்பு :- பரிந்து என்பதன் சரியான சொற்பொருள் விரும்பி.

குறிப்பு :- ஆக்கம் என்பதன் சரியான சொற்பொருள் செல்வம்.

குறிப்பு :- ஏதம் என்பதன் சரியான சொற்பொருள் குற்றம்.

குறிப்பு :- இடும்பை என்பதன் சரியான சொற்பொருள் துன்பம்.

குறிப்பு :- வணங்கி என்பதன் சரியான சொற்பொருள் பணிந்து.

குறிப்பு :- பரிந்து, தெரிந்து என்பதன் சரியான இலக்கணக்குறிப்பு வினையெச்சம்.

குறிப்பு :- இழிந்த பிறப்பு என்பதன் சரியான இலக்கணக்குறிப்பு பெயரெச்சம்.

குறிப்பு :- உரவோர் என்பதன் சரியான இலக்கணக்குறிப்பு வினையாலணையும் பெயர்.

குறிப்பு :- சொலல் என்பதன் சரியான இலக்கணக்குறிப்பு தொழிற்பெயர்.

குறிப்பு :- கூம்பும் என்பதன் சரியான சொற்பொருள் வாய்ப்பற்ற.

குறிப்பு :- செறுநர் என்பதன் சரியான சொற்பொருள் பகைவர்.

குறிப்பு :- பொள்ளென என்பதன் சரியான சொற்பொருள் உடனே.

குறிப்பு :- ஞாலம் என்பதன் சரியான சொற்பொருள் உலகம்.

குறிப்பு :- தீராமை என்பதன் சரியான சொற்பொருள் நீங்காமை

குறிப்பு :- மாண்டார் என்பதன் சரியான சொற்பொருள் மாண்புடைய சான்றோர்.

குறிப்பு :- Aesthetic என்பதன் சரியான தமிழ்ச்சொல் இயற்கை வனப்பு.

குறிப்பு :- Instinct என்பதன் சரியான தமிழ்ச்சொல் இயற்கை அறிவு.

குறிப்பு :- (எ.கா.) : ஒளவை, வெளவால் – ஒன்றரை மாத்திரையாகக் குறைந்தது. சொல்லுக்கு இடையிலும் இறுதியிலும் ஒளகாரம் வாராது.

குறிப்பு :- (எ. கா.) : அ) போலும் – போல்ம் – போன்ம். [ அ) செய்யுளில் இடம்பெறும் போலும், மருளும் ஆகிய மகர ஈற்றுச் சொற்கள், ஈற்றயல் உகரங் கெட்டு, போல்ம், மருள்ம் என்றாகிப் பின் போன்ம், மருண்ம் எனத் திரியும். இவ்வாறு திரியும் னகர, ணகரங்களின் முன்னுள்ள மகரம், தன் அரை மாத்திரை அளவிலிருந்து குறைந்து கால் மாத்திரை அளவில் ஒலிக்கும். ] ஆ] மருளும் – மருள்ம் – மருண்ம். [ ஆ] மகர ஈற்றுச்சொல் முன் வகர (வ்) முதல்மொழி வந்து சேரும்போது, நிலைமொழி மகரம் குறைந்து ஒலிக்கும். (எ.கா.) : வரும் + வண்டி = வரும்வண்டி. ‘ம்’ தன் அரை மாத்திரையிலிருந்து குறைந்து கால் மாத்திரையாக ஒலிக்கும் (வரும் – இது மகர ஈற்று நிலைமொழி. வண்டி இது ‘வ்’ என்னும் வகர முதல் மொழி.) இவ்விரண்டு இடங்களிலும் குறைந்து ஒலிக்கும் மகரமே மகரக்குறுக்கம் எனப்படும். ]

குறிப்பு :- (எ.கா.) : கல் + தீது = கஃறீது. முள் + தீது = முஃடீது.

விளக்கம் :- அ) பரிதிமாற் கலைஞர் மதுரைக்கருகில் உள்ள விளாச்சேரியில் பிறந்தார். ஆ) திருவள்ளுவர் திருக்குறளை இயற்றினார். - இவ்விரு தொடர்களும் செய்திகளைத் தெளிவாக எடுத்துக் கூறுகின்றன. இவ்வாறு, ஒரு கருத்தினைச் செய்தியாகத் தெரிவிப்பது செய்தித்தொடர் எனப்படும்.

விளக்கம் :- வினாத்தொடர் : அ) எழில், என்ன சாப்பிட்டாய்? ஆ) அன்பரசி, நேற்று நீ ஏன் பள்ளிக்கு வரவில்லை? இ) எங்கே செல்கிறாய்?

விளக்கம் :- நாம் பேசும் செய்திகள் உணர்ச்சியை வெளிப்படுத்தும் தொடர்களாக அமைந்தால், அவற்றை உணர்ச்சித் தொடர்கள் என்கிறோம். மகிழ்ச்சி, வியப்பு, துன்பம் முதலிய உணர்ச்சிகள் வெளிப்படுமாறு அமைவது உணர்ச்சித் தொடர். என்னே என்னும் சொல்லை வியப்புக் குறித்தும், அந்தோ என்னும் சொல்லைத் துன்பம் குறித்தும் சொற்றொடர்களில் அமைத்துக் காட்டலாம். (எ.கா.) : 1] என்னே, இமயமலையின் உயரம்! 2] அந்தோ, நாய் வண்டியில் அடிபட்டுவிட்டதே! 3] “அடேயப்பா! எவ்வளவு பெரிய ஏரி!” 4] “ஐயோ, முள் குத்திவிட்டதே!”

விளக்கம் :- தனிநிலைத்தொடர் :- 1 . அழகன் பாடம் எழுதுகிறான். 2 . மா, பலா, வாழை ஆகியன முக்கனிகள். இத்தொடர்களில் முதல் தொடரில் அழகன் என்பது எழுவாய். இரண்டாம் தொடரில் மா, பலா, வாழை என்பன எழுவாய்கள். இவ்வாறாக, ஓர் எழுவாய் அல்லது ஒன்றுக்கு மேற்பட்ட எழுவாய்கள் ஒரு பயனிலையைக் கொண்டுமுடிவது, தனிநிலைத்தொடர்.

விளக்கம் :- கலவைத்தொடர் :- 1 . நேற்று புயல் வீசியதால், பள்ளிக்கு விடுமுறை. 2. முருகன், இரவும் பகலும் அயராது படித்ததால் கூடுதல் மதிப்பெண்கள் பெற்றான். இவ்வாறு, ஒரு தனிச்சொற்றொடர் ஒன்று அல்லது அதற்குமேற்பட்ட துணைத் தொடர்களுடன் கலந்து வருவது, கலவைத்தொடர்

விளக்கம் :- செய்வினைத்தொடர் :-“குடியரசுத் தலைவர் உலகத் தமிழ் மாநாட்டைத்தொடங்கிவைத்தார்”. இத்தொடரில், குடியரசுத் தலைவர் – எழுவாய்; உலகத்தமிழ் மாநாடு – செயப்படுபொருள்; தொடங்கிவைத்தார் – பயனிலை; இவ்வாறாக எழுவாய் செய்யும் வினையைக் கொண்டு முடியும் தொடர் செய்வினைத் தொடர் எனப்படும். செயப்படுபொருளோடு இரண்டாம் வேற்றுமை உருபு (ஐ) வெளிப்பட்டு வரும். சில தொடர்களில் மறைந்தும் வரும். (எ.கா.) : மாவட்ட ஆட்சியர் கொடி ஏற்றினார்.

விளக்கம் :- செயப்பாட்டு வினைத்தொடர் : (செயப்படுபொருள் வினைச்சொல்லைக் கொண்டு முடிவது). உலகத்தமிழ் மாநாடு குடியரசுத் தலைவரால் தொடங்கி வைக்கப் பெற்றது. இத்தொடரில் சொற்கள் செயப்படுபொருள். எழுவாய், பயனிலை என்னும் வரிசையில் அமைந்துள்ளன. எழுவாயோடு “ஆல்” என்னும் மூன்றாம் வேற்றுமை உருபும் உள்ளது. இவ்வகைத் தொடர்களில் பயனிலையோடு படு, பட்டது, பெறு, பெற்றது என்னும் துணைவினைகளுள் ஒன்று சேர்ந்து வரும்.

விளக்கம் :- தன்வினைத்தொடர் : (எழுவாய், தானே செய்யும் தொழிலை உணர்த்துவது) பாத்திமா திருக்குறள் கற்றாள். இத்தொடரிலுள்ள பாத்திமா என்னும் எழுவாய், ஒரு செயலைத் தானே செய்வதனால், இது தன்வினைத்தொடராகும்.

விளக்கம் :- பிறவினைத்தொடர் : (எழுவாய், ஒரு செயலைப் பிறரைக்கொண்டு செய்விப்பது) பாத்திமா திருக்குறள் கற்பித்தாள். இது பிறவினைத்தொடர், பாத்திமா என்னும் எழுவாய், அச்செயலைப் பிறரைக் கொண்டு செய்விப்பதனால், இது பிறவினைத்தொடராகும்.

விளக்கம் :- நேர்கூற்றுத்தொடர் : (ஒருவர் பேசுவதை, அவர் பேசியபடியே கூறுவது) ஆசிரியர், “மாணவர்களே, நாளை ஒழுக்கமுடைமையில் குறள்கள் ஐந்தனைப் படித்து வருக”, என்றார். இவ்வாறு ஆசிரியர், மாணவர்களிடம் கூறிய இத்தொடர் நேர்கூற்றுத் தொடராகும். இதில் மேற்கோள் குறிகள் இடம்பெறும். தன்மை, முன்னிலைப் பெயர்கள் இடம்பெறும். இங்கு, இப்போது, இவை, எனச் சுட்டுப்பெயர்கள் வரும். நேற்று, இன்று, நாளை எனக் காலப்பெயர்களும் வரும். (எ.கா.) : தேன்மொழி பொன்னியிடம், “நான், நாளை மதுரைக்குச் செல்வேன்” என்றாள்.

விளக்கம் :- அயற்கூற்றுத்தொடர் :- ஒருவர் அல்லது பலரின் உரையாடல்களை அயலார் கூறுவதுபோல் அமைப்பது அயற்கூற்றுத்தொடர். பொன்னியிடம் தேன்மொழி, தான் மறுநாள் மதுரைக்குச் செல்வதாகக் கூறினாள். அயற்கூற்றில் மேற்கோள் குறிகள் வாரா. இக்கூற்றில் தன்மை, முன்னிலைப் பெயர்கள், படர்க்கைப் பெயர்களாக மாறும். சுட்டுபெயர்கள் அது, அவை, அங்கே என மாறும். காலப்பெயர்கள் அந்நாள், மறுநாள் என மாறும். என்று, ஆக என்னும் இணைப்புச் சொற்களும் இடம்பெறும்.

விளக்கம் :- எதிர்மறைத்தொடர் :- கலைச்செல்வி கட்டுரை எழுதிலள். இத்தொடரில், கலைச்செல்வி கட்டுரை எழுதவில்லை எனச் செயல் நிகழாமையைக் கூறுவதனால், இஃது எதிர்மறைத்தொடர்.

விளக்கம் :- பொருள்மாறா எதிர்மறைத்தொடர் :- கலைச்செல்வி கட்டுரை எழுதாமல் இராள். கலைச்செல்வி கட்டுரை எழுதினாள் என்னும் தொடர் உடன்பாட்டுத்தொடர். கலைச்செல்வி கட்டுரை எழுதவில்லை என்பது இதற்கான எதிர்மறைத்தொடர். மேலே உள்ள உடன்பாட்டுத் தொடரை பொருள்மாறா எதிர்மறைத் தொடராக மாற்ற வேண்டுமானால், அதனை இரண்டு எதிர்மறைகளைக் கொண்ட தொடராகக், கலைச்செல்வி கட்டுரை எழுதாமல் இராள் என மாற்றுதல்வேண்டும். இதற்குக் கலைச்செல்வி கட்டுரை எழுதினாள் என்பதே பொருள் என்பதனால், இது பொருள்மாறா எதிர்மறைத்தொடர் எனப்படுகிறது. இரண்டு எதிர்மறைச்சொற்கள் சேர்ந்து வந்தால், அஃது உடன்பாட்டுப் பொருளைத் தரும்.